PRESENTACIÓN DO POLÍPTICO CO PROGRAMA DE ACTIVIDADES DA CONMEMORACIÓN DO 40 ANIVERSARIO


COMBARRO CONXUNTO HISTÓRICO 40 ANIVERSARIO



Xoves, 26 de Xullo. PRESENTACIÓN DO POLÍPTICO CO PROGRAMA DE ACTIVIDADES DA CONMEMORACIÓN DO 40 ANIVERSARIO.

 Este 20 de xullo foi presentado, na Escola do Campo, o folleto co programa de actos da conmemoración do 40 Aniversario da Declaración de Combarro como Conxunto Histórico.

O folleto, dunha apreciable calidade formal, foi elaborado pola imprenta Anduriña de Poio, que colabora como patrocinadora desta Conmemoración.

O programa conta con dúas novidades: unha "Aula da Natureza, da Arquitectura e dos Oficios tradicionais", que organizan A Solaina e a Concellaría de Educación do Concello de Poio, e unha Conferencia co título "O comercio en Combarro. Novos camiños", que organiza a Asociación de Comerciantes e Empresarios de Poio (ACEP).

A presentación correu a cargo da Concelleira de Cultura de Poio, Silvia Díaz, do Alcalde, Luciano Sobral, e do presidente da Solaina, Rafael Vallejo.


NOVEDADES NO PROGRAMA DA CONMEMORACIÓN

Aula da Natureza, da Arquitectura e dos Oficios tradicionais
- Natureza: Federico de la Peña Santos (Naturalista e productor audivisual): Documentais sobre natureza e etnografía de Galicia.
- Arquitectura popular: Manuel Caamaño Suárez (Arquitecto Técnico): "As construcións mariñeiras galegas da etapa preindustrial".
- Oficios: O marisqueo e as mariscadoras. Bateas e bateeiros.

Lugar: Escola do Campo de Combarro.
Organizan: Concellería de Educación do Concello de Poio. Asociación A Solaina de Combarro.
Colaboran: Agrupación de Mariscadoras a pé da Confraría San Telmo e Asociación de mexilloeiros de Combarro e Raxó, AMECOMRA.

O comercio no Conxunto Histórico
Conferencia. "O comercio en Combarro. Novos camiños".
Organiza: Asociación de Comerciantes e Empresarios de Poio (ACEP).
Colabora: Dirección Xeral de Comercio.


EMPRESAS PATROCINADORAS DA CONMEMORACIÓN
Ademais da citada Gráficas Anduriña, outras catro empresas de Poio patrocinan os actos da Conmemoración: Supermercados Froiz, Centro Comercial A Barca, Maproín (Maquinaria Profesional Industrial) e Conservas Pescamar.

DISTRIBUCIÓN DO FOLLETO.
O programa da Conmemoración foi distribuído persoalmente en todas as casas e establecementos do Conxunto Histórico por varios compoñentes da Asociación A Solaina de Combarro. A Oficina de Turismo de Combarro, sita na Escola do Campo, conta así mesmo con exemplares para a súa repartición ás persoas interesadas.


PROGRAMA DE ACTIVIDADES






POLÍPTICO CO PROGRAMA: PORTADA E CONTRAPORTADA



Comentarios

Publicar un comentario

Entradas populares de este blog

Imagen
A Asociación A Solaina de Combarro organiza, con motivo do 50 Aniversario da Declaración de Combarro como Conxunto Histórico, unha actividade cultural, baixo o título xenérico de "O Plano Artístico de Combarro de Francisco Guerra (1994)". Ten como finalidade recordar a publicación do referido Plano artístico en 1994 e salientar a relevancia cultural do mesmo. Esta actividade contará con dous actos. O primeiro terá lugar o venres 20 de maio ás 8 da tarde, no local da Comunidade de Montes Rega dos Agros de Combarro. Consistirá nunha "Conferencia Conmemorativa: O valor cultural do Plano «Reconstrucción do Porto de Combarro a principios do Século XX». Nela participarán o propio Francisco Guerra Penas, autor do Plano; Felipe Senén López, arqueólogo e museólogo, que fora director do Museo Arqueolóxico de San Antón da Coruña entre 1975 e 1996, e Carlos Valle Pérez, doutor en Historia da Arte e Académico, quen foi director do Museo Provincial de Pontevedra desde 1987 a 2018. O a
Leer más

Combarro. Arquitectura. Casa con sobrado.

Imagen
O soporte do balcón resólvese con varias solucións constructivas. Explicárono moi ben Francisco Guerra, no seu traballo de fin de carreira (Combarro, exemplo de construccións populares, 1987), e Manuela Constantino na súa “tesi di laurea”, defendida no Instituto Politécnico de Turín (Ipotesi dei conservazione e valorizzazione dell’architettura vernacolare in Galizia: il caso studio dei Combarro, 2010). Os chans dos balcóns, de lousas de granito, son soportados por canzorros, por ménsulas encaixadas no muro da vivenda ou por medio de trabes de pedra que descansan, á súa vez, sobre columnas. Con esta última solución xorden os “soportáis”, que, cos balcóns, dotan a Combarro dun particular tipismo. No noso caso non son moi amplos, pois apenas superan o metro de anchura, outra expresión máis das limitacións espaciais do pobo. Isto fai que os soportáis funcionen aquí máis como lugares de acubillo e protección das entradas das casas ante as inclemencias do tempo que coma espazos habituais de
Leer más

“Conservas de Combarro”

Imagen
Tamén se desenvolveron aquí a industria de salgadura e de conservas. En 1942, José Malvar Corbal e Vicente López García Mosquera foron autorizados a abrir unha fábrica de peixes e mariscos, que funcionou ata mediados da década de 1960 e comercializou a marca Conservas Combarro. O pintor Carlos Maside deixounos en 1952 un exquisito testemuño artístico da mesma, no que vemos as mulleres do pobo traballando na fábrica. "Guía turística do Conxunto Histórico de Combarro", Rafael Vallejo Pousada. Fotos: Mulleres na fábrica de Combarro. 1952. Carlos Maside. Óleo. #conxuntohistoricoartistico #pedra #mar #arte #patrimonio #combarro #riasbaixas #riadepontevedra #poio #marisqueo #conservas
Leer más