"HISTORIA DA ASOCIACIÓN A SOLAINA DE COMBARRO A TRAVÉS DA INFORMACIÓN DE PRENSA, 1988-2004"
PRESENTACIÓN DA "HISTORIA DA ASOCIACIÓN A SOLAINA DE COMBARRO A TRAVÉS DA INFORMACIÓN DE PRENSA, 1988-2004"
O xoves 4 de abril foi presentada na Escola do Campo de Combarro a "Historia da Asociación A Solaina a través da información de prensa, 1988-2004".
Foron entregados varios exemplares no Arquivo Histórico da Deputación Provincial, no Museo de Pontevedra, no Arquivo do Concello de Poio, na Biblioteca da Universidade de Vigo e na Biblioteca da Fundación Penzol de Vigo.
A Historia da Asociación A Solaina, que consiste nun amplio dossier de prensa de máis de 200 páxinas, ábrese co seguinte texto de Presentación:
"En 2012 conmemorouse o 40 Aniversario da
declaración de Combarro como Conxunto Histórico, conmemoración na que tivo un
papel activo a Asociación A Solaina de Combarro. A conmemoración serviu para
facer un percorrido e unha reflexión colectiva pola historia, o presente e as
posibilidades de futuro do pobo de Combarro.
Na Solaina, a efeméride tamén nos serviu para
volver sobre a nosa propia historia, de 25 anos en 2012, e as nosas
realizacións ao longo dese período de tempo. Ese percorrido quixemos plasmalo
nesta "Historia da Asociación A Solaina de Combarro a través da
información de prensa, 1988-2004", que xa fixéramos no seu día, pero que actualizamos
en 2012 con algúns recortes de prensa que ata o de agora non tiñamos
incorporado a este extenso informe, de máis de duascentas páxinas. Agardamos
que teña a súa utilidade. Como agardamos que sexan útiles as breves liñas que
seguen, a modo de apunte sobre a historia de A Solaina.
Rafael Vallejo Pousada
Presidente
da Asociación A Solaina de Combarro
Combarro,
xaneiro de 2013."
Comentarios
Publicar un comentario