Cruceiro de Chousa.

Cruceiro de Chousa.

Na actualidade este cruceiro está composto por una grada de tres chanzos sobre a que se asenta un pedestal baixiño. A vara arranca cunha sección cuadrangular para logo pasar a oitavada. A media altura atópase a figura dun santiño que leva na man dereita un báculo, no cal vai atado o lenzo chamado sudarium ou panniculus, que en principio denota xurisdicción restrinxida, e porta na man esquerda o que parece ser un libro (pois a falta dun anaco de pedra impide precisalo ben). Do pescozo desta figura masculina colga un cordón con tres nós que se expón sobre a casula…. Desde o noso punto de vista, esta figura posiblemente represente a San Martiño de Braga ou Dumiense, abade-bispo de Galicia e arcebispo de Braga (Portugal) na segunda metade do século VI… Este santo conta cunha capela de orixes moi antigas e de moita tradición en San Xoán de Poio…. Enriba da vara do cruceiro de Chousa atopamos un capitel, no seu arranque cilíndrico e cun ábaco cadrado no remate, no cal se finca unha cruz latina que ten nos cabos dos brazos remates en flor tetrapétala con botón central, espida de efixies.
Diante do cruceiro disponse unha mesa ou pousadoiro onde se rezaban os “paternóster”. A actual substitúe unha previa algo máis grande e requintada. Nela podemos ler a seguinte inscrición: ANO 1940. PUESTA POR J.V. AROSA DE COMBARRO. O doante chamábase Juan Uzal Arosa, veciño de Combarro.

"Os Cruceiros do Conxunto Histórico Artístico de Combarro", Andrés Dacosta Paz.





Comentarios

Publicar un comentario

Entradas populares de este blog

Combarro. Arquitectura. Casa con sobrado.

Imagen
O soporte do balcón resólvese con varias solucións constructivas. Explicárono moi ben Francisco Guerra, no seu traballo de fin de carreira (Combarro, exemplo de construccións populares, 1987), e Manuela Constantino na súa “tesi di laurea”, defendida no Instituto Politécnico de Turín (Ipotesi dei conservazione e valorizzazione dell’architettura vernacolare in Galizia: il caso studio dei Combarro, 2010). Os chans dos balcóns, de lousas de granito, son soportados por canzorros, por ménsulas encaixadas no muro da vivenda ou por medio de trabes de pedra que descansan, á súa vez, sobre columnas. Con esta última solución xorden os “soportáis”, que, cos balcóns, dotan a Combarro dun particular tipismo. No noso caso non son moi amplos, pois apenas superan o metro de anchura, outra expresión máis das limitacións espaciais do pobo. Isto fai que os soportáis funcionen aquí máis como lugares de acubillo e protección das entradas das casas ante as inclemencias do tempo que coma espazos habituais de
Leer más
Imagen
A Asociación A Solaina de Combarro organiza, con motivo do 50 Aniversario da Declaración de Combarro como Conxunto Histórico, unha actividade cultural, baixo o título xenérico de "O Plano Artístico de Combarro de Francisco Guerra (1994)". Ten como finalidade recordar a publicación do referido Plano artístico en 1994 e salientar a relevancia cultural do mesmo. Esta actividade contará con dous actos. O primeiro terá lugar o venres 20 de maio ás 8 da tarde, no local da Comunidade de Montes Rega dos Agros de Combarro. Consistirá nunha "Conferencia Conmemorativa: O valor cultural do Plano «Reconstrucción do Porto de Combarro a principios do Século XX». Nela participarán o propio Francisco Guerra Penas, autor do Plano; Felipe Senén López, arqueólogo e museólogo, que fora director do Museo Arqueolóxico de San Antón da Coruña entre 1975 e 1996, e Carlos Valle Pérez, doutor en Historia da Arte e Académico, quen foi director do Museo Provincial de Pontevedra desde 1987 a 2018. O a
Leer más

“Conservas de Combarro”

Imagen
Tamén se desenvolveron aquí a industria de salgadura e de conservas. En 1942, José Malvar Corbal e Vicente López García Mosquera foron autorizados a abrir unha fábrica de peixes e mariscos, que funcionou ata mediados da década de 1960 e comercializou a marca Conservas Combarro. O pintor Carlos Maside deixounos en 1952 un exquisito testemuño artístico da mesma, no que vemos as mulleres do pobo traballando na fábrica. "Guía turística do Conxunto Histórico de Combarro", Rafael Vallejo Pousada. Fotos: Mulleres na fábrica de Combarro. 1952. Carlos Maside. Óleo. #conxuntohistoricoartistico #pedra #mar #arte #patrimonio #combarro #riasbaixas #riadepontevedra #poio #marisqueo #conservas
Leer más