Asociación A Solaina de Combarro

NOTICIAS RECENTES SOBRE A "GUÍA DEL CONJUNTO HISTÓRICO DE COMBARRO" "Combarro, más allá del tópico. Una guía ahonda en el pasado y presente de la villa"  (Faro de Vigo, 16-07-2013. Edición Pontevedra) "O profesor Rafael Vallejo vén de publicar unha guía ilustrada desta vila mariñeira. Coñecer o pasado e o presente de Combarro en 48 páxinas a toda cor"   (DUVI. Universidade de Vigo, 15-07-2013)

PRESENTACIÓN DA NOVA "GUÍA DEL CONJUNTO HISTÓRICO DE COMBARRO. HISTORIA Y ARQUITECTURA POPULAR" Presentamos a "Guía del Conjunto Histórico de Combarro" no Museo de Pontevedra, o xoves 30 de maio ás 20 horas. (Lugar: Museo de Pontevedra . Sexto edificio. Rúa da Pasantería , 10, 36002 Pontevedra) No acto de presentación intervirán o director do Museo de Pontevedra, Carlos Valle, o arquitecto César Portela, o alcalde de Poio, Luciano Sobral, a Deputada pronvincial de Cultura Ana I. Vázquez, así como o autor da Guía, Rafael Vallejo. Convidámote a asistir

A Asociación A Solaina presentou este domingo ante máis de cincuenta combarreses e combarresas a "Guía del Conjunto Histórico de Combarro. Historia y arquitectura popular", que acaba de editar. A presentación correu a cargo de Andrés Dacosta Paz e Rafael Vallejo Pousada, responsables desta edición. A Guía, de 48 páxinas, conta con 89 imaxes, entre as que encontramos debuxos, fotos antigas e actuais, mapas, cadros e carteis, que permiten un percorrido visual polo pasado e o presenta deste Conxunto Histórico e da súa arquitectura tradicional. A Guía trata sobre a xeografía, a toponimia, a historia, o "descubrimento" de Combarro como lugar artístico e pintoresco, e a súa arquitectura. Neste apartado da arquitectura explícanse os tipos de vivendas, as construcións marítimas (peiraos, ramplas e balo costeiro) e a chamada, de xeito novidoso na descrición de Combarro, "arquitectura do pan", na que se inclúen os hórreos, os eirados, os muíños...

PRESENTACIÓN DA "GUÍA DEL CONJUNTO HISTÓRICO DE COMBARRO. HISTORIA Y ARQUITECTURA POPULAR" Este domingo, 7 de abril, preséntase a nova "Guía del Conjunto Histórico de Combarro. Historia y arquitectura popular". A presentación terá lugar no salón de actos da Comunidade de Montes de Combarro, ás 12:30 horas. A Guía foi editada pola Asociación A Solaina de Combarro. Conta con 48 páxinas e 89 imaxes do Conxunto Histórico. A Solaina quere agasallar neste acto aos combarreses e combarresas, e en xeral  a quen asista á presentación, cun exemplar desta nova e, en moitos aspectos novidosa, Guía do Conxunto Histórico.