Nota de prensa. 10 de decembro de 2011

Renovacion dos Estatutos da Asociación A solaina.

Hai uns días, a Asociación A Solaina de Combarro renovou os seus Estatutos, renovación que foi remitida á Secretaria Xeral da Consellería da Presidencia da Xunta de Galicia. Esta renovación conleva varias novedades. Unha delas concrétase na redacción non sexista dos seus Estatutos, de xeito que para os cargos directivos se fala indistintamente, por exemplo, de Presidente ou Presidenta ou de Secretario ou Secretaria. Outra das novedades ten que ver coa denominación desta entidade cultural de Combarro, que incorpora o termo "Promoción". Deste modo, o seu nome completo pasa a ser: Asociación para a Defensa e Promoción do Patrimonio Histórico Artístico de Combarro, A Solaina.

A promoción e difusión dos valores culturais da arquitectura popular do Conxunto Histórico de Combarro xa era un dos obxectivos da Asociación. Con esta incorporación á súa denominación, a entidade quere subliñar a importancia deste obxectivo nesta nova etapa.

A Asociación A Solaina de Combarro foi fundada en decembro de 1987, hai vinte e catro anos. En 1992 recibiu o Premio Pedra do Destino, concedido pola Asociación de Amigos dos Museos de Galicia, un premio cuxo fin é recoñecer os esforzos, de persoas ou agrupacións, destinados a "normalizar, conservar, difundir ou facilitar o estudo do Patrimonio Cultural de Galicia."

A Xunta Directiva dá Asociación A Solaina está formada actualmente por Rafael Vallejo, Alicia Martínez, Xosé M. Martínez, Antón Briones, Dolores Viñas e Andrés Dacosta.

Nestes momentos a Asociación está a promover a Conmemoración, en 2012, do 40 Aniversario da Declaración de Combarro como Conxunto Histórico, e o 60 Aniversario da estadía en Combarro do pintor galego Carlos Maside (1952), na que elaborou unha importante obra, ademáis de valiosas testemuños documentais sobre o pobo.

Comentarios

Publicar un comentario

Entradas populares de este blog

Imagen
A Asociación A Solaina de Combarro organiza, con motivo do 50 Aniversario da Declaración de Combarro como Conxunto Histórico, unha actividade cultural, baixo o título xenérico de "O Plano Artístico de Combarro de Francisco Guerra (1994)". Ten como finalidade recordar a publicación do referido Plano artístico en 1994 e salientar a relevancia cultural do mesmo. Esta actividade contará con dous actos. O primeiro terá lugar o venres 20 de maio ás 8 da tarde, no local da Comunidade de Montes Rega dos Agros de Combarro. Consistirá nunha "Conferencia Conmemorativa: O valor cultural do Plano «Reconstrucción do Porto de Combarro a principios do Século XX». Nela participarán o propio Francisco Guerra Penas, autor do Plano; Felipe Senén López, arqueólogo e museólogo, que fora director do Museo Arqueolóxico de San Antón da Coruña entre 1975 e 1996, e Carlos Valle Pérez, doutor en Historia da Arte e Académico, quen foi director do Museo Provincial de Pontevedra desde 1987 a 2018. O a
Leer más

Combarro. Arquitectura. Casa con sobrado.

Imagen
O soporte do balcón resólvese con varias solucións constructivas. Explicárono moi ben Francisco Guerra, no seu traballo de fin de carreira (Combarro, exemplo de construccións populares, 1987), e Manuela Constantino na súa “tesi di laurea”, defendida no Instituto Politécnico de Turín (Ipotesi dei conservazione e valorizzazione dell’architettura vernacolare in Galizia: il caso studio dei Combarro, 2010). Os chans dos balcóns, de lousas de granito, son soportados por canzorros, por ménsulas encaixadas no muro da vivenda ou por medio de trabes de pedra que descansan, á súa vez, sobre columnas. Con esta última solución xorden os “soportáis”, que, cos balcóns, dotan a Combarro dun particular tipismo. No noso caso non son moi amplos, pois apenas superan o metro de anchura, outra expresión máis das limitacións espaciais do pobo. Isto fai que os soportáis funcionen aquí máis como lugares de acubillo e protección das entradas das casas ante as inclemencias do tempo que coma espazos habituais de
Leer más

“Conservas de Combarro”

Imagen
Tamén se desenvolveron aquí a industria de salgadura e de conservas. En 1942, José Malvar Corbal e Vicente López García Mosquera foron autorizados a abrir unha fábrica de peixes e mariscos, que funcionou ata mediados da década de 1960 e comercializou a marca Conservas Combarro. O pintor Carlos Maside deixounos en 1952 un exquisito testemuño artístico da mesma, no que vemos as mulleres do pobo traballando na fábrica. "Guía turística do Conxunto Histórico de Combarro", Rafael Vallejo Pousada. Fotos: Mulleres na fábrica de Combarro. 1952. Carlos Maside. Óleo. #conxuntohistoricoartistico #pedra #mar #arte #patrimonio #combarro #riasbaixas #riadepontevedra #poio #marisqueo #conservas
Leer más