PROGRAMA DE CONFERENCIAS "COMBARRO CONXUNTO HISTÓRICO 40 ANIVERSARIO". QUINTA CONFERENCIA

QUINTA CONFERENCIA DO CICLO "COMBARRO CONXUNTO HISTÓRICO 40 ANIVERSARIO"



Arquitectura e Patrimonio Histórico



Conferenciante: Manuel Pueyo (Arquitecto. Responsable da Área de Rehabilitación do Conxunto Histórico de Combarro).

Título da conferencia: O papel das ARIS (Áreas de Rehabilitación Integral) na rehabilitación sustentable dos Conxuntos Históricos: unha proposta para Combarro.

Día e hora: Venres, 5 de outubro, ás 20 horas.

Lugar: Escola do Campo de Combarro.
Resumo da conferencia.
Esta conferencia tratará sobre tres aspectos:
1) As Áreas de Rehabilitación Integral: funcionamento actual e posibilidades no fomento de medidas innovadoras de intervención basaeadas na sustentabilidade.
2) Os Criterios de intervención sustentable nos proxectos de espazo público no Conxunto Histórico de Combarro.
3) Medidas de mellora ambiental nas actuacións rehabilitadoras dos particulares en Combarro.
O conferenciante: Manuel Pueyo.
Manuel Pueyo é Arquitecto pola Universidade da Coruña, na especialidade urbanística. Fixo o Posgrao en Renovación Urbana e Rehabilitación pola Universidade de Santiago, e obtivo a Acreditación de Avaliador ambiental da edificación polo Green Building Council.
En canto á sua experiencia profesional é de destacar que formou parte do equipo de redacción de planeamento Fernández Carballada e Asociados, intervindo fundamentalmente na redacción de planeamento xeral de ordenación urbana (2006). Traballou asimismo no estudio de arquitectura de Alejandro García, arquitecto responsable do ARI de Mugardos (2007-2009). En 2009-2011 formou parte do Departamento de arquitectura da empresa PROESGA, especializada en envolventes complexas, fundamentalmente de edificación singular.
Desde 2011 exerce como Arquitecto independente, e como tal ocúpase do Servizo de mantemento da oficina de rehabilitación do ARCH de Combarro; tamén fai labores de Avaliador acreditado de VERDE polo Green Building Council España (GBCe).
En 2011 foi Comisario e deseñador da exposición "Cirurxía Urbana. Propostas de xoves arquitectos no casco histórico de Ribadavia". A 2011 corresponde así mesmo a súa co-autoría do Proxecto de intervención no parque da Alameda de Santiago no marco da "Estratexia Verde" de Compostela.(https://sites.google.com/site/elaguadesantiago/).


Comentarios

Publicar un comentario

Entradas populares de este blog

Imagen
A Asociación A Solaina de Combarro organiza, con motivo do 50 Aniversario da Declaración de Combarro como Conxunto Histórico, unha actividade cultural, baixo o título xenérico de "O Plano Artístico de Combarro de Francisco Guerra (1994)". Ten como finalidade recordar a publicación do referido Plano artístico en 1994 e salientar a relevancia cultural do mesmo. Esta actividade contará con dous actos. O primeiro terá lugar o venres 20 de maio ás 8 da tarde, no local da Comunidade de Montes Rega dos Agros de Combarro. Consistirá nunha "Conferencia Conmemorativa: O valor cultural do Plano «Reconstrucción do Porto de Combarro a principios do Século XX». Nela participarán o propio Francisco Guerra Penas, autor do Plano; Felipe Senén López, arqueólogo e museólogo, que fora director do Museo Arqueolóxico de San Antón da Coruña entre 1975 e 1996, e Carlos Valle Pérez, doutor en Historia da Arte e Académico, quen foi director do Museo Provincial de Pontevedra desde 1987 a 2018. O a
Leer más

Combarro. Arquitectura. Casa con sobrado.

Imagen
O soporte do balcón resólvese con varias solucións constructivas. Explicárono moi ben Francisco Guerra, no seu traballo de fin de carreira (Combarro, exemplo de construccións populares, 1987), e Manuela Constantino na súa “tesi di laurea”, defendida no Instituto Politécnico de Turín (Ipotesi dei conservazione e valorizzazione dell’architettura vernacolare in Galizia: il caso studio dei Combarro, 2010). Os chans dos balcóns, de lousas de granito, son soportados por canzorros, por ménsulas encaixadas no muro da vivenda ou por medio de trabes de pedra que descansan, á súa vez, sobre columnas. Con esta última solución xorden os “soportáis”, que, cos balcóns, dotan a Combarro dun particular tipismo. No noso caso non son moi amplos, pois apenas superan o metro de anchura, outra expresión máis das limitacións espaciais do pobo. Isto fai que os soportáis funcionen aquí máis como lugares de acubillo e protección das entradas das casas ante as inclemencias do tempo que coma espazos habituais de
Leer más

“Conservas de Combarro”

Imagen
Tamén se desenvolveron aquí a industria de salgadura e de conservas. En 1942, José Malvar Corbal e Vicente López García Mosquera foron autorizados a abrir unha fábrica de peixes e mariscos, que funcionou ata mediados da década de 1960 e comercializou a marca Conservas Combarro. O pintor Carlos Maside deixounos en 1952 un exquisito testemuño artístico da mesma, no que vemos as mulleres do pobo traballando na fábrica. "Guía turística do Conxunto Histórico de Combarro", Rafael Vallejo Pousada. Fotos: Mulleres na fábrica de Combarro. 1952. Carlos Maside. Óleo. #conxuntohistoricoartistico #pedra #mar #arte #patrimonio #combarro #riasbaixas #riadepontevedra #poio #marisqueo #conservas
Leer más