PROGRAMA DE CONFERENCIAS "COMBARRO CONXUNTO HISTÓRICO 40 ANIVERSARIO". OITAVA CONFERENCIA.

OITAVA CONFERENCIA DO CICLO "COMBARRO CONXUNTO HISTÓRICO 40 ANIVERSARIO". Arquitectura e Patrimonio Histórico


Conferenciante: César Portela (Arquitecto)

Título da conferencia: Combarro e o seu contorno: impresións dun arquitecto.

Día e hora: Venres, 9 de novembro, ás 20 horas.

Lugar: Escola do Campo de Combarro.
Apunte biográfico sobre César Portela.
O arquitecto César Portela Fernandez-Jardón (Pontevedra, 1937) titulouse en arquitectura na Escola Superior de Barcelona e, máis tarde, trasladouse a Madrid, onde logrou o doutoramento en 1968.
Ten unha obra ampla. Entre outras, salienta a coautoría, xunto a Aldo Rossi, do Museo do Mar de Vigo. Tamén colaborou con Isozaki na construción do edificio Domus-Casa do Home da Coruña. Para o Conxunto Histórico de Combarro foi autor do proxecto da actual praza de Chousa.
César Portela compaxinou o seu labor profesional coa docencia. Exerceu como catedrático de Proxectos Arquitectónicos na Escola Superior de Arquitectura da Coruña. Foi así mesmo profesor invitado en numerosas universidades e institucións de todo o mundo, entre as que caben destacar a Escola Superior de Arquitectura de Pamplona, Nancy, Caracas, Lisboa e Weimar.
Colaborou igualmente na organización e deseño de diversos seminarios e talleres de arquitectura, algúns tan relevantes como o dirixido en colaboración con Aldo Rossi en Santiago de Compostela (1974), os Talleres Internacionais de Arquitectura de Nápoles, Belfort, Caracas, a IV Bienal de Arquitectura de Santander, e, máis recentemente, o Seminario sobre Cultura e Natureza: Arquitectura e Paisaxe, dependente da Universidade Internacional Menéndez Pelayo na Illa de San Simón, así como a dirección, con Óscar Tenreiro, do Seminario de Arquitectura da Universidade de Weimar.
A entidade da súa obra foi recoñecida con diversas distincións, nacionais e internacionais. En 1999 recibeu o Premio Nacional de Arquitectura.

Comentarios

Publicar un comentario

Entradas populares de este blog

Imagen
A Asociación A Solaina de Combarro organiza, con motivo do 50 Aniversario da Declaración de Combarro como Conxunto Histórico, unha actividade cultural, baixo o título xenérico de "O Plano Artístico de Combarro de Francisco Guerra (1994)". Ten como finalidade recordar a publicación do referido Plano artístico en 1994 e salientar a relevancia cultural do mesmo. Esta actividade contará con dous actos. O primeiro terá lugar o venres 20 de maio ás 8 da tarde, no local da Comunidade de Montes Rega dos Agros de Combarro. Consistirá nunha "Conferencia Conmemorativa: O valor cultural do Plano «Reconstrucción do Porto de Combarro a principios do Século XX». Nela participarán o propio Francisco Guerra Penas, autor do Plano; Felipe Senén López, arqueólogo e museólogo, que fora director do Museo Arqueolóxico de San Antón da Coruña entre 1975 e 1996, e Carlos Valle Pérez, doutor en Historia da Arte e Académico, quen foi director do Museo Provincial de Pontevedra desde 1987 a 2018. O a
Leer más

Combarro. Arquitectura. Casa con sobrado.

Imagen
O soporte do balcón resólvese con varias solucións constructivas. Explicárono moi ben Francisco Guerra, no seu traballo de fin de carreira (Combarro, exemplo de construccións populares, 1987), e Manuela Constantino na súa “tesi di laurea”, defendida no Instituto Politécnico de Turín (Ipotesi dei conservazione e valorizzazione dell’architettura vernacolare in Galizia: il caso studio dei Combarro, 2010). Os chans dos balcóns, de lousas de granito, son soportados por canzorros, por ménsulas encaixadas no muro da vivenda ou por medio de trabes de pedra que descansan, á súa vez, sobre columnas. Con esta última solución xorden os “soportáis”, que, cos balcóns, dotan a Combarro dun particular tipismo. No noso caso non son moi amplos, pois apenas superan o metro de anchura, outra expresión máis das limitacións espaciais do pobo. Isto fai que os soportáis funcionen aquí máis como lugares de acubillo e protección das entradas das casas ante as inclemencias do tempo que coma espazos habituais de
Leer más

“Conservas de Combarro”

Imagen
Tamén se desenvolveron aquí a industria de salgadura e de conservas. En 1942, José Malvar Corbal e Vicente López García Mosquera foron autorizados a abrir unha fábrica de peixes e mariscos, que funcionou ata mediados da década de 1960 e comercializou a marca Conservas Combarro. O pintor Carlos Maside deixounos en 1952 un exquisito testemuño artístico da mesma, no que vemos as mulleres do pobo traballando na fábrica. "Guía turística do Conxunto Histórico de Combarro", Rafael Vallejo Pousada. Fotos: Mulleres na fábrica de Combarro. 1952. Carlos Maside. Óleo. #conxuntohistoricoartistico #pedra #mar #arte #patrimonio #combarro #riasbaixas #riadepontevedra #poio #marisqueo #conservas
Leer más