A SOLAINA RECLAMA A ATENCIÓN SOBRE O ESTADO DOS CRUCEIROS DE COMBARRO


Este sábado 22 de marzo, a Asociación A Solaina dirixeuse ao Concello de Poio, informándolle de que a situación dos cruceiros require "unha supervisión técnica", xa que algúns deles presentan certos problemas no seu estado de conservación.
Tamén se lle solicita información sobre as conclusións do Informe municipal sobre o estado dos hórreos de Combarro, a sobre cales son os pasos que se van para buscar a solución aos problemas detectados.

Este é o contido íntegro do texto enviado:
Combarro, 18 de marzo de 2014.
Sr. Alcalde do Excmo. Concello de Poio.
Sr. Alcalde:
Esta Asociación A Solaina diríxese a Vostede con fin de expoñer as dúas seguintes cuestións:
1ª. En relación co estado dos hórreos de Combarro: En primeiro lugar transmitirlle que esta Asociación ve con satisfacción que por parte do Concello fixera  un informe sobre ese estado, a raíz da preocupación social trasladada tras a caída dun dos hórreos do pobo o pasado mes de febreiro.
Respecto a este tema gustaríanos que, se é posible, nos informase de:
1º) Das principais conclusións contidas dese Informe, algunhas das cales se transmitiron a través dos medios de comunicación;
2º) Que actuacións e, se é o caso, xestións, vai realizar ese Concello para buscar a solución aos problemas detectados.
2ª. Cruceiros de Combarro: A situación dos cruceiros  tamén require, dende o noso punto de vista, unha supervisión técnica por parte do Concello de Poio. Polo menos dous deles presentan algún tipo de problema -adro da Igrexa parroquial de San Roque; Cruceiro da Praza de San Roque- (fisuras nas pezas; solidez do conxunto). Polo tanto, neste caso, solicitamos que se identifique de forma precisa, técnica, a situación destes monumentos do Conxunto Histórico de Combarro (unha supervisión que posiblemente sería desexable ampliar á totalidade de cruceiros do Concello de Poio).

Últimas información sobre os hórreos nos medios.
Os medios e redes sociais de comunicación recolleron, nos últimos días, as conclusións do Informe municipal sobre os hórreos de Combarro e un adianto dalgunha das medidas que se van adoptar por parte do goberno municipal de Poio.

Aquí van algúns dos links







Comentarios

Publicar un comentario

Entradas populares de este blog

Combarro. Arquitectura. Casa con sobrado.

Imagen
O soporte do balcón resólvese con varias solucións constructivas. Explicárono moi ben Francisco Guerra, no seu traballo de fin de carreira (Combarro, exemplo de construccións populares, 1987), e Manuela Constantino na súa “tesi di laurea”, defendida no Instituto Politécnico de Turín (Ipotesi dei conservazione e valorizzazione dell’architettura vernacolare in Galizia: il caso studio dei Combarro, 2010). Os chans dos balcóns, de lousas de granito, son soportados por canzorros, por ménsulas encaixadas no muro da vivenda ou por medio de trabes de pedra que descansan, á súa vez, sobre columnas. Con esta última solución xorden os “soportáis”, que, cos balcóns, dotan a Combarro dun particular tipismo. No noso caso non son moi amplos, pois apenas superan o metro de anchura, outra expresión máis das limitacións espaciais do pobo. Isto fai que os soportáis funcionen aquí máis como lugares de acubillo e protección das entradas das casas ante as inclemencias do tempo que coma espazos habituais de
Leer más
Imagen
A Asociación A Solaina de Combarro organiza, con motivo do 50 Aniversario da Declaración de Combarro como Conxunto Histórico, unha actividade cultural, baixo o título xenérico de "O Plano Artístico de Combarro de Francisco Guerra (1994)". Ten como finalidade recordar a publicación do referido Plano artístico en 1994 e salientar a relevancia cultural do mesmo. Esta actividade contará con dous actos. O primeiro terá lugar o venres 20 de maio ás 8 da tarde, no local da Comunidade de Montes Rega dos Agros de Combarro. Consistirá nunha "Conferencia Conmemorativa: O valor cultural do Plano «Reconstrucción do Porto de Combarro a principios do Século XX». Nela participarán o propio Francisco Guerra Penas, autor do Plano; Felipe Senén López, arqueólogo e museólogo, que fora director do Museo Arqueolóxico de San Antón da Coruña entre 1975 e 1996, e Carlos Valle Pérez, doutor en Historia da Arte e Académico, quen foi director do Museo Provincial de Pontevedra desde 1987 a 2018. O a
Leer más

“Conservas de Combarro”

Imagen
Tamén se desenvolveron aquí a industria de salgadura e de conservas. En 1942, José Malvar Corbal e Vicente López García Mosquera foron autorizados a abrir unha fábrica de peixes e mariscos, que funcionou ata mediados da década de 1960 e comercializou a marca Conservas Combarro. O pintor Carlos Maside deixounos en 1952 un exquisito testemuño artístico da mesma, no que vemos as mulleres do pobo traballando na fábrica. "Guía turística do Conxunto Histórico de Combarro", Rafael Vallejo Pousada. Fotos: Mulleres na fábrica de Combarro. 1952. Carlos Maside. Óleo. #conxuntohistoricoartistico #pedra #mar #arte #patrimonio #combarro #riasbaixas #riadepontevedra #poio #marisqueo #conservas
Leer más