A Asociación A Solaina envía un informe ao Ministerio de Cultura sobre a casa "Museo de Combarro"

A ASOCIACIÓN A SOLAINA ENVÍA UN INFORME AO MINISTERIO DE CULTURA SOBRE A CASA " MUSEO DE COMBARRO". CONSIDERA QUE ESA CASA É DE PROPIEDADE PÚBLICA. PERTENCE AO PATRIMONIO DO ESTADO.

A Asociación a Solaina envía un Informe ao Ministerio de Cultura sobre a Casa " Museo de Combarro". Considera que esa casa é de propiedade pública. Pertence ao Patrimonio do Estado.
Esta "casa barroca" foi expropiada en 1973 por razóns de utilidade pública, por parte da Dirección Geral de Bellas Artes, do Ministerio de Educación y Cultura, para ser convertida en Museo etnográfico dedicado ao mundo do mar e ao modo de vida na Galicia mariñeira.
Segundo puido investigar esta Asociación A Solaina, un escrito asinado en Madrid o 14 de xullo de 1981, por Javier Tusell, Director General de Bellas Artes, afirma de forma rotunda que esa casa "fue adquirida en 150.000 pts. en 1973 y abonada en su momento" a Florinda Salgueiro Romero, a súa antiga propietaria.
A Solaina envíalle información precisa ao ministro de Cultura sobre Florinda Salgueiro, que morreu en Montevideo no ano 2000. E pídelle ao ministro que se requira oficialmente a documentación testamentaria en Uruguay, na que presumiblemente se poderá comprobar que daquela Florinda Salgueiro xa non era propietaria desa vivenda de Combarro. Polo tanto, non chegaría a facer cesión da mesma nas súas últimas vontades.
A Solaina tamén lle proporciona ao ministro outras informacións concretas sobre o proxecto de Museo do Mar en Combarro, que permitirán comprobar que o Estado era xa titular dese edificio nos anos 1970. (Ese inmoble foi cedida polo Delegado Provincial de Cultura do Goberno de España ao Ateneo, para ser usado, desde principios da década de 1980, como local sociocultural).
O Informe de A Solaina, entregado a semana pasada, conclúe con estas dúas peticións moi precisas ao ministro de Cultura:
"
1) Impulse las acciones oportunas para que el Estado español reivindique y haga efectiva la legítima titularidad, a través de la Abogacía del Estado, de esta casa barroca de Combarro de que tratamos;
2) Retome el proyecto de impulsar en este Conjunto Histórico de Combarro el Museo del Mar, iniciado en 1969 con su aprobación y publicación en el BOE de 30-9-1969, p. 15301. De los tres previstos en Galicia, O Cebreiro, Ribadavia y Combarro, los dos primeros se crearon, y éste de Combarro quedó pendiente…"




Comentarios

Publicar un comentario

Entradas populares de este blog

Combarro. Arquitectura. Casa con sobrado.

Imagen
O soporte do balcón resólvese con varias solucións constructivas. Explicárono moi ben Francisco Guerra, no seu traballo de fin de carreira (Combarro, exemplo de construccións populares, 1987), e Manuela Constantino na súa “tesi di laurea”, defendida no Instituto Politécnico de Turín (Ipotesi dei conservazione e valorizzazione dell’architettura vernacolare in Galizia: il caso studio dei Combarro, 2010). Os chans dos balcóns, de lousas de granito, son soportados por canzorros, por ménsulas encaixadas no muro da vivenda ou por medio de trabes de pedra que descansan, á súa vez, sobre columnas. Con esta última solución xorden os “soportáis”, que, cos balcóns, dotan a Combarro dun particular tipismo. No noso caso non son moi amplos, pois apenas superan o metro de anchura, outra expresión máis das limitacións espaciais do pobo. Isto fai que os soportáis funcionen aquí máis como lugares de acubillo e protección das entradas das casas ante as inclemencias do tempo que coma espazos habituais de
Leer más
Imagen
A Asociación A Solaina de Combarro organiza, con motivo do 50 Aniversario da Declaración de Combarro como Conxunto Histórico, unha actividade cultural, baixo o título xenérico de "O Plano Artístico de Combarro de Francisco Guerra (1994)". Ten como finalidade recordar a publicación do referido Plano artístico en 1994 e salientar a relevancia cultural do mesmo. Esta actividade contará con dous actos. O primeiro terá lugar o venres 20 de maio ás 8 da tarde, no local da Comunidade de Montes Rega dos Agros de Combarro. Consistirá nunha "Conferencia Conmemorativa: O valor cultural do Plano «Reconstrucción do Porto de Combarro a principios do Século XX». Nela participarán o propio Francisco Guerra Penas, autor do Plano; Felipe Senén López, arqueólogo e museólogo, que fora director do Museo Arqueolóxico de San Antón da Coruña entre 1975 e 1996, e Carlos Valle Pérez, doutor en Historia da Arte e Académico, quen foi director do Museo Provincial de Pontevedra desde 1987 a 2018. O a
Leer más

“Conservas de Combarro”

Imagen
Tamén se desenvolveron aquí a industria de salgadura e de conservas. En 1942, José Malvar Corbal e Vicente López García Mosquera foron autorizados a abrir unha fábrica de peixes e mariscos, que funcionou ata mediados da década de 1960 e comercializou a marca Conservas Combarro. O pintor Carlos Maside deixounos en 1952 un exquisito testemuño artístico da mesma, no que vemos as mulleres do pobo traballando na fábrica. "Guía turística do Conxunto Histórico de Combarro", Rafael Vallejo Pousada. Fotos: Mulleres na fábrica de Combarro. 1952. Carlos Maside. Óleo. #conxuntohistoricoartistico #pedra #mar #arte #patrimonio #combarro #riasbaixas #riadepontevedra #poio #marisqueo #conservas
Leer más