DESCUBRIMENTO TURISTICO DE COMBARRO.

Varios pioneiros da fotografía xa o fixaran por aquel entón en imaxes viradas ao sepia ou ao branco e negro; entre eles, Francisco Zagala, Joaquín Pintos, Jaime Pacheco, Luis Ksado, José Gil ou Jaime Solá, quen lle dedicou varias reportaxes na revista Vida Galega durante os anos vinte. Tampouso faltaron os estranxeiros: a norteamericana Ruth Matilda Anderson fotografou Combarro en 1925-1926, e o alemán Otto Wunderlich en 1929.

Outro tanto fixeron varios artistas. Nas calellas de Combarro, nas súas praciñas, nos seus hórreos, nos seus cruceiros o no seu diálogo co mar, coma se fosen enxame, os paisaxistas atoparon o pintoresco, isto é, o digno de ser pintado. Entre eles cómpre citar a Eliseo Meifrén, Federico Alcoverro, Alfredo Souto, Francisco Lloréns, Prudencio Canitrot, Hermenegildo Anglada, Carlos Sobrino, os irmáns Campo Sobrino, Eduardo Martínez, Alfonso R. Castelao, Virxilio Branco ou o cartelista Federico Ribas. A estes uníronse varios escritores, xornalistas ou publicistas, tanto locais coma estranxeiros. As británicas Annette M. B. Meakin e C. Gasquoine Hartley incluíron Combarro nos seus emocionantes relatos de viaxes “Galicia. The Switzerland of Spain” (1909) e “Spain Revisited”. A “Summer Holiday in Galicia” (1911). Entre os nosos son de destacar varios autores. Un deles é o escritor pontevedrés Prudencio Canitrot, que tiña casa en Combarro que contaba cunha «ampla solaina por onde penetra o sol, dourando as espigas de millo colocadas en restra» e á que en 1910 «só lle faltaba unha cousa: o liño que a miña avoa poñía a secar para logo fialo na súa roca». Nesa «vella casa familiar» escribiu Canitrot “Rías de ensueño” (1910), título que establece unha especie de slogan turístico que logo recolleu Federico Ribas no fermoso cartel “Rías Gallegas. Lugares de ensueño”, editado en 1929-1930 polo Patronato Nacional de Turismo.

"Guía turística do Conxunto Histórico de Combarro", Rafael Vallejo Pousada.

Combarro - Programa Rtve Nodo Años 70:

Comentarios

Publicar un comentario

Entradas populares de este blog

Combarro. Arquitectura. Casa con sobrado.

Imagen
O soporte do balcón resólvese con varias solucións constructivas. Explicárono moi ben Francisco Guerra, no seu traballo de fin de carreira (Combarro, exemplo de construccións populares, 1987), e Manuela Constantino na súa “tesi di laurea”, defendida no Instituto Politécnico de Turín (Ipotesi dei conservazione e valorizzazione dell’architettura vernacolare in Galizia: il caso studio dei Combarro, 2010). Os chans dos balcóns, de lousas de granito, son soportados por canzorros, por ménsulas encaixadas no muro da vivenda ou por medio de trabes de pedra que descansan, á súa vez, sobre columnas. Con esta última solución xorden os “soportáis”, que, cos balcóns, dotan a Combarro dun particular tipismo. No noso caso non son moi amplos, pois apenas superan o metro de anchura, outra expresión máis das limitacións espaciais do pobo. Isto fai que os soportáis funcionen aquí máis como lugares de acubillo e protección das entradas das casas ante as inclemencias do tempo que coma espazos habituais de
Leer más
Imagen
A Asociación A Solaina de Combarro organiza, con motivo do 50 Aniversario da Declaración de Combarro como Conxunto Histórico, unha actividade cultural, baixo o título xenérico de "O Plano Artístico de Combarro de Francisco Guerra (1994)". Ten como finalidade recordar a publicación do referido Plano artístico en 1994 e salientar a relevancia cultural do mesmo. Esta actividade contará con dous actos. O primeiro terá lugar o venres 20 de maio ás 8 da tarde, no local da Comunidade de Montes Rega dos Agros de Combarro. Consistirá nunha "Conferencia Conmemorativa: O valor cultural do Plano «Reconstrucción do Porto de Combarro a principios do Século XX». Nela participarán o propio Francisco Guerra Penas, autor do Plano; Felipe Senén López, arqueólogo e museólogo, que fora director do Museo Arqueolóxico de San Antón da Coruña entre 1975 e 1996, e Carlos Valle Pérez, doutor en Historia da Arte e Académico, quen foi director do Museo Provincial de Pontevedra desde 1987 a 2018. O a
Leer más

“Conservas de Combarro”

Imagen
Tamén se desenvolveron aquí a industria de salgadura e de conservas. En 1942, José Malvar Corbal e Vicente López García Mosquera foron autorizados a abrir unha fábrica de peixes e mariscos, que funcionou ata mediados da década de 1960 e comercializou a marca Conservas Combarro. O pintor Carlos Maside deixounos en 1952 un exquisito testemuño artístico da mesma, no que vemos as mulleres do pobo traballando na fábrica. "Guía turística do Conxunto Histórico de Combarro", Rafael Vallejo Pousada. Fotos: Mulleres na fábrica de Combarro. 1952. Carlos Maside. Óleo. #conxuntohistoricoartistico #pedra #mar #arte #patrimonio #combarro #riasbaixas #riadepontevedra #poio #marisqueo #conservas
Leer más