Combarro. Arquitectura. Casa con sobrado.


As casas con sobrado son as máis estendidas. Observámolas ao longo da Rúa, a rúa de San Roque, a rúa do Mar ou nos lugares da Pedaporta e Tarrío. Todas elas presentan dimensións moi parecidas. Nese feito puideron influír os niveis de renda das economías familiares, relativamente próximos, a vontade dos frades do Mosteiro de Poio de facer repartimentos de parcelas de tamaños semellantes para a edificación de vivendas entre os “colonos” baixo a súa xurisdición, ou as limitacións de medio físico (a escaseza de chan edificable) e o feito aludido da procura dun maior dominio visual sobre o mar; isto fai que, polo xeral, estas vivendas non superen os cinco ou seis metros de ancho na súa fachada principal.
Son casas estas que están dispostas entre medianeiras e teñen planta baixa e un piso (o “andar”). Unha escaleira interior permite acceder desde o baixo á planta superior. Unha variante desta casa é a que nos ofrece un acceso exterior a través dunha escalinata de pedra (o “potiño”), elemento que outorga unha singular calidade formal á vivenda. Con todo, quedan moi poucos exemplos.
·
"Guía turística do Conxunto Histórico de Combarro". Rafael Vallejo Pousada.
·
Debuxo: Casa con sobrado. Francisco Guerra.
·
·




Comentarios

Publicar un comentario

Entradas populares de este blog

Imagen
A Asociación A Solaina de Combarro organiza, con motivo do 50 Aniversario da Declaración de Combarro como Conxunto Histórico, unha actividade cultural, baixo o título xenérico de "O Plano Artístico de Combarro de Francisco Guerra (1994)". Ten como finalidade recordar a publicación do referido Plano artístico en 1994 e salientar a relevancia cultural do mesmo. Esta actividade contará con dous actos. O primeiro terá lugar o venres 20 de maio ás 8 da tarde, no local da Comunidade de Montes Rega dos Agros de Combarro. Consistirá nunha "Conferencia Conmemorativa: O valor cultural do Plano «Reconstrucción do Porto de Combarro a principios do Século XX». Nela participarán o propio Francisco Guerra Penas, autor do Plano; Felipe Senén López, arqueólogo e museólogo, que fora director do Museo Arqueolóxico de San Antón da Coruña entre 1975 e 1996, e Carlos Valle Pérez, doutor en Historia da Arte e Académico, quen foi director do Museo Provincial de Pontevedra desde 1987 a 2018. O a
Leer más

“Conservas de Combarro”

Imagen
Tamén se desenvolveron aquí a industria de salgadura e de conservas. En 1942, José Malvar Corbal e Vicente López García Mosquera foron autorizados a abrir unha fábrica de peixes e mariscos, que funcionou ata mediados da década de 1960 e comercializou a marca Conservas Combarro. O pintor Carlos Maside deixounos en 1952 un exquisito testemuño artístico da mesma, no que vemos as mulleres do pobo traballando na fábrica. "Guía turística do Conxunto Histórico de Combarro", Rafael Vallejo Pousada. Fotos: Mulleres na fábrica de Combarro. 1952. Carlos Maside. Óleo. #conxuntohistoricoartistico #pedra #mar #arte #patrimonio #combarro #riasbaixas #riadepontevedra #poio #marisqueo #conservas
Leer más

Combarro. Arquitectura. Casa con sobrado.

Imagen
O soporte do balcón resólvese con varias solucións constructivas. Explicárono moi ben Francisco Guerra, no seu traballo de fin de carreira (Combarro, exemplo de construccións populares, 1987), e Manuela Constantino na súa “tesi di laurea”, defendida no Instituto Politécnico de Turín (Ipotesi dei conservazione e valorizzazione dell’architettura vernacolare in Galizia: il caso studio dei Combarro, 2010). Os chans dos balcóns, de lousas de granito, son soportados por canzorros, por ménsulas encaixadas no muro da vivenda ou por medio de trabes de pedra que descansan, á súa vez, sobre columnas. Con esta última solución xorden os “soportáis”, que, cos balcóns, dotan a Combarro dun particular tipismo. No noso caso non son moi amplos, pois apenas superan o metro de anchura, outra expresión máis das limitacións espaciais do pobo. Isto fai que os soportáis funcionen aquí máis como lugares de acubillo e protección das entradas das casas ante as inclemencias do tempo que coma espazos habituais de
Leer más