Logotipo conmemorativo do 50 Aniversario da declaración de Combarro como Conxunto Histórico Artístico!

Mais Deseño:

Logotipo conmemorativo do 50 Aniversario da declaración de Combarro como Conxunto Histórico Artístico!

Cada un dos detalles do logotipo está estreitamente relacionado co conxunto histórico e característico de Combarro.

As premisas básicas para o deseño deste logotipo foron a institucionalidade, que fose o suficientemente potente para que trascendera o ámbito local e tamén que transmitira a esencia do patrimonio de Combarro, saíndo dos tópicos.

Pareceume fundamental que a gráfica fose acorde coa importancia desta conmemoración.

O logo está conformado por cinco elementos gráficos.

O 50 que fai de "0" e o mesmo tempo de "C", cun punto central inspirado na tipografía deseñada por Castelao que focaliza esa converxencia e reforza o vínculo entre Combarro e este aniversario. Combarro non se entende sen o mar, polo que os elementos fundamentais do logotipo aséntanse sobre unha onda mariña.

A tipografía principal foi escollida polo seu dinamismo, elegancia e a súa lexibilidade. 
Esta base tipográfica contén os elementos arquitectónicos que caracterizan a Combarro, como son as palleiras (m) cos seus tornarratos e os soportais (rr) representados desde un novo punto de vista.

O tipo de letra empregado para o atributo, Conxunto Histórico, é sans serif (de pau seco) para darlle un enfoque actual, acorde co 2022 pero sen esquecer o 1972.




Comentarios

Publicar un comentario

Entradas populares de este blog

Imagen
A Asociación A Solaina de Combarro organiza, con motivo do 50 Aniversario da Declaración de Combarro como Conxunto Histórico, unha actividade cultural, baixo o título xenérico de "O Plano Artístico de Combarro de Francisco Guerra (1994)". Ten como finalidade recordar a publicación do referido Plano artístico en 1994 e salientar a relevancia cultural do mesmo. Esta actividade contará con dous actos. O primeiro terá lugar o venres 20 de maio ás 8 da tarde, no local da Comunidade de Montes Rega dos Agros de Combarro. Consistirá nunha "Conferencia Conmemorativa: O valor cultural do Plano «Reconstrucción do Porto de Combarro a principios do Século XX». Nela participarán o propio Francisco Guerra Penas, autor do Plano; Felipe Senén López, arqueólogo e museólogo, que fora director do Museo Arqueolóxico de San Antón da Coruña entre 1975 e 1996, e Carlos Valle Pérez, doutor en Historia da Arte e Académico, quen foi director do Museo Provincial de Pontevedra desde 1987 a 2018. O a
Leer más

“Conservas de Combarro”

Imagen
Tamén se desenvolveron aquí a industria de salgadura e de conservas. En 1942, José Malvar Corbal e Vicente López García Mosquera foron autorizados a abrir unha fábrica de peixes e mariscos, que funcionou ata mediados da década de 1960 e comercializou a marca Conservas Combarro. O pintor Carlos Maside deixounos en 1952 un exquisito testemuño artístico da mesma, no que vemos as mulleres do pobo traballando na fábrica. "Guía turística do Conxunto Histórico de Combarro", Rafael Vallejo Pousada. Fotos: Mulleres na fábrica de Combarro. 1952. Carlos Maside. Óleo. #conxuntohistoricoartistico #pedra #mar #arte #patrimonio #combarro #riasbaixas #riadepontevedra #poio #marisqueo #conservas
Leer más

Combarro. Arquitectura. Casa con sobrado.

Imagen
O soporte do balcón resólvese con varias solucións constructivas. Explicárono moi ben Francisco Guerra, no seu traballo de fin de carreira (Combarro, exemplo de construccións populares, 1987), e Manuela Constantino na súa “tesi di laurea”, defendida no Instituto Politécnico de Turín (Ipotesi dei conservazione e valorizzazione dell’architettura vernacolare in Galizia: il caso studio dei Combarro, 2010). Os chans dos balcóns, de lousas de granito, son soportados por canzorros, por ménsulas encaixadas no muro da vivenda ou por medio de trabes de pedra que descansan, á súa vez, sobre columnas. Con esta última solución xorden os “soportáis”, que, cos balcóns, dotan a Combarro dun particular tipismo. No noso caso non son moi amplos, pois apenas superan o metro de anchura, outra expresión máis das limitacións espaciais do pobo. Isto fai que os soportáis funcionen aquí máis como lugares de acubillo e protección das entradas das casas ante as inclemencias do tempo que coma espazos habituais de
Leer más